Kafli 19 – Skólanámskrá
Í Tækniskólanum er skólaráð sem hefur það hlutverk er að vera skólameistara til samráðs og aðstoðar. Það fjallar um starfsáætlun skólans og framkvæmd hennar, skólareglur, umgengnishætti í skólanum, vinnu- og félagsaðstöðu nemenda og stefnumótun skólans auk annarra mála sem vísað er til skólaráðs.
Skólaráð stendur jafnframt fyrir árlegum opnum skólafundi sem er lýðræðislegur vettvangur til skoðanaskipta og ábendinga um skólastarfið.
Skólaráð er kosið til eins árs í senn. Skólameistari er oddviti skólaráðs en auk hans er ráðið skipað aðstoðarskólameistara, fulltrúum nemenda, fulltrúum kennara og félagsmálafulltrúa. Aðrir eru kallaðir inn eftir atvikum.
Skólaráð starfar á starfstíma skóla og eru fundir haldnir einu sinni á önn. Ráðið má kalla saman oftar beri nauðsyn til.
Skólanefnd skólans er skipuð stjórn skólans, skólameistara ásamt einum kennara og einum nemanda. Nefndin fundar á 6 mánaða fresti.
Starfsmannafundir eru haldnir að lágmarki 2svar á önn og sama gildir um kennarafundi.
Skólaárinu er skipt upp í tvær annir, og hver önn skiptist í tvær spannir. Haustönn hefst upp úr miðjum ágúst og vorönn lýkur fyrir lok maí. Sjá starfsáætlanir og skóladagatöl. Fyrir hvert skólaár er gefið út skóladagatal þar sem sjá má helstu viðburði í skólastarfinu:
Skóladagatal starfsmanna – skólaárið
Skóladagatal nemenda – skólaárið
Uppfært 18. apríl 2024
Áfangastjórn