fbpx
Menu

Skóla- og nemendafélög

Skóla- og nemendafélög

Innan NST starfa bæði mörg skólafélög sem sinna félagslífi undirskólanna og nemendafélög sem vinna ákveðnum málaflokki, hagsmunum ákveðinna nemendahópa eða afmörkuðum viðburðum. Þessi félög starfa sjálfstætt en í samvinnu við NST að bættu félagslífi nemenda Tækniskólans.

Klúbbar eru hópar sem stofnaðir eru í kringum ákveðin áhugamál eða viðfangs­efni. Klúbbar hittast reglu­lega og eru opnir öllum sem hafa áhuga á að taka þátt.

Skólafélög Tækniskólans


Skóla­félög gæta hags­muna og sjá um að halda utan um viðburði og skemmt­anir fyrir nem­endur í sínum und­ir­skóla.

 

Eftirfarandi skólafélög eru virk:

Skólafélag Tæknimenntaskólans – NTM
Skólafélag Upplýsingatækniskólans – Eniac
Skólafélag Véltækniskólans – SVÍR
Skólafélag Skipstjórnarskólans
Skólafélag Raftækniskólans – SFR
Skólafélag Hönnunar- og handverksskólans
Skólafélag Byggingartækniskólans
Skólafélag stafræn hönnun
Skólafélag Tæknimenntaskólans – NTM

 

 

Skólafélag Tæknimenntaskólans


Skólafélag Tæknimenntaskólans – NTM stendur fyrir fjöl­breyttum viðburðum fyrir nem­endur Tækni­mennta­skólans. Fastir liðir eru þó Bíó­kvöldin og Spila­kvöldin sem eru haldin aðra hverja viku, sitt á hvað, svo það er alltaf viku­legur viðburður á vegum NTM.

 

Spilakvöld

Á spila­kvöldum koma nem­endur saman og spila borðspil, hlut­verka­spil, korta­spil og önnur spil. NTM á gott safn af spilum en öllum er frjálst að koma með sín eigin spil ef áhugi er fyrir því. Það kostar ekkert að taka þátt í spila­kvöld­unum og eru allir sem hafa áhuga hvattir til að taka þátt.

Spila­kvöldin fara fram í matsal Tækni­skólans á Skólavörðuholti.

 

Bíókvöld

Bíó­kvöld NTM eru orðinn rót­gróinn hluti af félags­lífi Tækni­skólans. Á Bíó­kvöldum kjósa nem­endur sér mynd til að horfa á og njóta saman. NTM rekur sjoppu á staðnum sem selur nammi, gos, snakk og pizzur á góðu verði.

Bíó­kvöldin fara fram í matsal Tækni­skólans á Skólavörðuholti.

 

 

Nemendafélög Tækniskólans


Nemendafélög sjá um að gæta hags­muna ákveðinna hópa og halda utan um viðburði þeirra.

 

Nemendafélag Tækniskólanema í Hafnarfirði

NTH samanstendur af nemendum Tækniskólans sem stunda nám í Hafnarfirði, sinnir hagsmunagæslu og skipuleggur viðburði sem fram fara í Hafnarfirði. Formaður NTH situr í miðstjórn NST sem fulltrúi nemenda í Hafnarfirði. Allir nemendur eru velkomnir á viðburði NTH.

 

Málfundarfélag Tækniskólans

Málfundafélag Tækniskólans er leið nemenda inn í Gettu Betur og MORFÍS (mælsku- og rökræðukeppni framhaldsskóla á Íslandi). MFT stendur fyrir inntökuprófum fyrir ofangreindar keppnir og áframhaldandi skipulag þeirra innan veggja skólans. Allir nemendur eru velkomnir í félagið og geta allir meðlimir boðið sig fram í stjórn þess.

 

Heiður – Hinsegin félag Tækniskólans

Heiður er félag hinsegin nemenda í Tækniskólanum.
Félagið er hagsmuna- og skemmtifélag og sér m.a. um hittinga og viðburði í öruggu umhverfi.
Þeir sem hafa áhuga á að ganga í félagið eða kynna sér það nánar geta haft samband við formann félagsins, Örnu Hauksdóttur.