Prentun og aðgangur

Prent- og aðgangskort

Prentkortin eru pöntuð og afgreidd á bókasöfnum skólans. Ekki er þörf á leyninúmeri fyrir prentkortin. Notkun þeirra sem aðgangskort fer í gegnum skólastjóra hvers skóla.

ATH!! Nú er eina leiðin til að prenta út sú að vera skráð/ur inn á tölvuna á TSnúmerinu eða kennitölunni (nýnemar) og nota kortið í prentarana sem er tengt við það númer. Þau eru nauðsynleg til að nemendur geti nýtt prentkvóta sinn sem innifalinn er í skólagjaldinu.

Til að nálgast prentverk í prenturum/fjölnotavélum eða til að ljósrita á fjölnotavélum þurfa nemendur að hafa auðkenniskort, annars geta þeir ekki sótt þau verk sem þeir hafa prentað út. A.m.k. 100 prenteiningar fylgja en á sumum námsbrautir fylgja fleiri einingar. A4 svart/hvítt er 1 prenteining en A4 í lit er 2 prenteiningar  A3 svart/hvítt er 2 einingar og A3 í lit er 4 einingar.

Þessi sömu kort nýtast sem aðgangskort að skólanum utan hefðbundins opnunartíma. Þess vegna er mjög mikilvægt að láta strax vita ef þau týnast!

Kortin kosta 500 kr., en það kostar 2.000 kr. að endurnýja glatað kort.

Til þess að eignast kort og koma prenthluta þeirra í gagnið, þarf að framkvæma tvennt:

1. Nemendur sækja um prentkort á bókasöfnum eða á skrifstofum og greiða þar 500 kr. Þar er valið hvort sækja á kortið á bókasafn skólans á Háteigsvegi eða Skólavörðuholti, þar sem þau verða tilbúin eftir 1-3 daga.
2. Þegar kortið er komið í hendur nemanda þarf hann virkja það. Það er gert með því að fara á þessa síðu: http://prentkort.tskoli.is/.Til að komast inn á síðuna þarf að "treysta" henni með því að velja "Continue to this website" í Internet Explorer eða "Add Exception" í Firefox. Þar skráir nemandi sig inn með tölvuaðgangi sínum, TS+nemendanúmer og leyniorðinu að Innunni, velur Pin Management og slær þar inn 5 stafa tölu sem er aftan á kortinu, sjá mynd til vinstri (12345). Með því að fara í "Back to account status" ætti að sjást hve mikil inneign er á kortinu. Alltaf er hægt að skoða inneignina á þessari síðu.

 Nánari leiðbeiningar eru hér.

Til að prenta út þarf að hafa eftirfarandi í huga:

• Ekki er hægt að senda beint á ákveðinn prentara eins og áður var.
• Ekki er hægt að prenta út af aðganginum nemond.
• Að vera skráður inn í tölvuna á TSnúmeri eða kennitölu (nýnemar) þess sem ætlar að sækja útprentunina. Það er ekki hægt að sækja útprentun nema á korti þeirrar/þess sem skráð/ur er í tölvuna!

• Að velja eina af þremur prentstýringum eftir því hvað er verið að prenta út. Allar eru stilltar á A4 síðustærð og því þarf að velja A3 stærð í "Properties" eða "Printing preferences".
  

Ef nemandi á ekki kort eða gleymir því:

Verð fyrir útprentun og ljósritun hjá bókavörðum er þessi:

• A4 s/h kostar 10 kr./stk.
• A3 s/h kostar 20 kr./stk
• A4 í lit kostar 20 kr./stk.
• A3 í lit kostar 40 kr./stk.

Áfylling:

Verð fyrir áfyllingu er 10 kr. á einingu, t.d. kosta 100 einingar 1.000 kr.

Passið vel upp á kortin. Munið að það kostar 2.000 kr. að endurnýja þau!