Véltækniskólinn

Þekking - færni - frumkvæði

Kynningarbæklingur (swf)
Kynningarbæklingur (pdf)

Véltækniskólinn er öflugur skóli sem býður upp á vandað nám sem er í senn hátækni og handverk. Nám í Véltækniskólanum hentar þeim sem hafa áhuga á vélum, rafmagni og flóknum tækjabúnaði. Námið gefur möguleika á vel launuðum störfum þar sem gert er ráð fyrir að menn geti unnið sjálfstætt og borið ábyrgð.

Námsleiðir

Grunnndeild málmiðna er ætlað að búa nemendur undir sérnám í málmiðnaði.

Vélstjórnarnám. Námið skiptist í vélstjórn A, B, C og D. Nemendur í vélstjórn fá stighækkandi réttindi eftir því sem líður á námið. Námið er sambland af verklegum áföngum á sviði málmtækni, vélfræða, kælitækni, rafmagnsfræði og bóklegum áföngum sem tengjast þeim. Nemendur fá þjálfun í meðferð véla og tæknibúnaðar á sérhæfðum verkstöðvum og í fullkomnun vélhermum. Þeir sem ljúka vélstjórnarbraut D öðlast alþjóðaréttindi sem vélstjórar og ljúka jafnframt stúdentsprófi. Einnig er hægt að ljúka stúdentsprófi með véltækni sem veitir fyrstu réttindi til vélstjórnunar.

Starfsmöguleikar og framhaldsnám

Vélstjórar og vélfræðingar starfa m.a. á skipum, í orkuverum og þar sem gerðar eru kröfur um víðtæka þekkingu á vél- og tæknibúnaði. Vélstjórnarnám veitir réttindi til atvinnu um allan heim á skipum af öllum stærðum og gerðum, við fiskveiðar, flutninga eða á stærstu farþegaskipum.

Úr reglugerð nr. 535/2008
Sá sem lokið hefur vélstjórnarnámi D – vélfræðingur, hefur að öðrum skilyrðum upp­fylltum öðlast rétt til að fá útgefið skírteini sem:

1. Yfirvélstjóri á skipi með 750 kW vélarafl og minna að loknum 1 mánaðar sigl­ingatíma
   (Skírteini: Vélstjóri (VS.III)).
2. Undirvélstjóri á skipi með minna en 3000 kW vélarafl og 1. vélstjóri á skipi með 1500 kW vélarafl og minna að loknum 1 mánaðar siglingatíma (Skírteini: Vélstjóri II (VS.II)).
3. Yfirvélstjóri á skipi með 1500 kW vélarafl og minna og undirvélstjóri ótakmarkað að loknum 9 mánaða siglinga­tíma sem vélstjóri (Skírteini: Vélstjóri I (VS.I)).
4. 1. vélstjóri á skipi með ótakmarkað vélarafl og yfirvélstjóri á skipi með minna en 3000 kW vélarafl, að loknum 12 mánaða siglingatíma sem vélstjóri (Skírteini: (VF.II)).
5. Yfirvélstjóri á skipi með ótakmarkað vélarafl, að loknum 24 mánaða siglingatíma sem vélstjóri, eftir að hafa öðlast rétt til að vera 1. vélstjóri á skipi með ótakmarkað vélarafl (Skírteini: (VF.I)).

Til þess að fá útgefið atvinnuskírteini skv. d- og e-lið skulu viðkomandi jafnframt hafa lokið:

1. viðurkenndri verkstæðisþjálfun í landi eða um borð í skipi og tíminn skráður í þjálfunarbók, eða
2. sveinsprófi í viðurkenndri málmiðnaðargrein.

Úr Aðalnámskrá framhaldsskóla  – Vélstjórnarnám – 2008   
Til að fá lögskráningu til starfa um borð í skipum þurfa nemendur að ljúka grunnnámskeiðum í öryggisfræðslu í samræmi við ákvæði laga nr. 43/1987 um lögskráningu sjómanna. Vélstjórnarnemum skal standa til boða að sækja grunnnámskeið í öryggisfræðslu en aðeins einu sinni á námstímanum.

Nemendur verða að uppfylla ákvæði reglugerðar nr. 175/2008 um sjón, heyrn og aðrar heilbrigðiskröfur.

Staðstetning Véltækniskólans:

Kennsla í Véltækniskólanum fer að mestu fram í Sjómannaskólanum Háteigsvegi.

Grunnflatarmynd af húsnæði skólans.

Skólastjóri Véltækniskólans:

Egill Guðmundsson, egud@tskoli.is

Sími: 354 5149501, gsm: 354 8222354