Margmiðlunarskólinn, nám á fagháskólastigi

Margmiðlunarskólinn

Nám í Margmiðlunarskólanum hentar þeim sem hafa áhuga á þrívíddarvinnslu, tæknibrellum fyrir kvikmyndir, vefsmíði, tölvuleikjagerð og teiknimyndagerð. Allt þetta er hluti náms í margmiðlun. Í náminu er lögð mikil áhersla á hugmyndavinnu, frumkvæði og sjálfstæð vinnubrögð. Skólinn leggur áherslu á að útskrifa nemendur með frjóa hugsun og vilja til að fara nýjar leiðir.

Margmiðlunarskólinn starfar á viðbótarstigi (fagháskólastigi) og háskólar geta metið námið sem viðurkenndar háskólaeiningar. Námið er tveggja ára diplómanám og með árs viðbót í háskólum sem kenna margmiðlun geta nemendur lokið BA gráðu í margmiðlun.

Samstarfsfyrirtækin

Margmiðlunarskólinn vinnur náið með stórum fyrirtækjum við að þróa námið og einnig koma gestafyrirlesarar frá fyrirtækjunum. Sem dæmi um fyrirtæki sem skólinn starfar með má nefna CCP, Caoz og Framestore.