Hönnunar- og handverksskólinn
Fléttar saman hug og hönd
Kynningarbæklingur (swf)
Kynningarbæklingur (pdf)
Fjölbreytt og hagnýtt nám
Hönnunar- og handverksskólinn býður fjölbreytt og hagnýtt nám hvort sem nemandinn ætlar beint út í atvinnulífið að námi loknu eða í framhaldsnám.
Hönnunarbrautin undirbýr nemendur fyrir nám í arkitektúr, vöruhönnun eða annað sérnám í hönnunargreinum. Fataiðnbrautin undirbýr nemendur fyrir störf tengd fataiðnaði, sveinspróf í kjólasaumi og klæðskurði eða áframhaldandi nám í sérgreinum tengdum fataiðn og fatahönnun. Gull- og silfursmíðabrautin er eina brautin á Íslandi sem undirbýr nemendur fyrir sveinspróf í gull- og silfursmíði.
Nám í hönnun og handverki nýtist vel bæði sem undirbúningur fyrir frekara nám eða sem fullgild menntun í löggiltum iðngreinum. Námið er hagnýtt og víkkar sjóndeildarhring og skynjun nemenda á umhverfi sínu.
Námsleiðir Hönnunar- og handverksskólans:
Í Hönnunar- og handverksskóla Tækniskólans eru eftirtaldar námsbrautir sem fela í sér undirbúning fyrir áframhaldandi nám á háskólastigi í hönnun, handverki eða listum, eða sérhæfingu í löggiltri faggrein:
Hönnunarbraut
Undirbúningsnám fyrir háskólanám eða annað nám á sviði hönnunar og lista.
- Almenn hönnun
- Keramik
- Textíll
Fataiðnbraut
- Fataiðnbraut - fatatækninám (undanfari iðnnáms)
- Kjólasaumur (löggilt iðngrein)
- Klæðskurður (löggilt iðngrein)
Gull- og silfursmíðabraut
(löggilt faggrein)
Diplómanám
- Mótun
- Teikning
- Textíll
Tveggja ára diplómanám (viðbótareiningar til háskólanáms) í mótun, teikningu eða textíl, með möguleika á 3. ári til BA-gráðu við erlendan háskóla.
Framhaldsnám og starfsmöguleikar
Útskrifaðir nemendur af hönnunarbraut eiga góða möguleika á að komast inn í listaháskóla bæði á Íslandi og erlendis og hönnunarbrautin er einn besti undirbúningur sem býðst á Íslandi fyrir þá sem stefna á nám í arkitektúr. Nemar af fataiðnbraut fara ýmist í áframhaldandi nám eða beint út í atvinnulífið þar sem menntun þeirra í kjólasaumi eða klæðskurði nýtist þeim vel. Það sama gildir um útskrifaða nemendur í gull- og silfursmíði.
Skólastjóri Hönnunar og handverksskólans
Sigríður Ágústsdóttir
Sími: 514 9201. Gsm: 8625513
netfang: sa@tskoli.is
Skólastjóri hefur viðtalstíma á skrifstofu, 4. hæð á Skólavörðuholti stofa nr. 416 á mánudögum og fimmtudögum frá kl. 9:00-11:30
