Samstarf - alþjóðleg samskipti

Alþjóðleg samskipti

Nám og reynsla

Á hverju ári sendir Tækniskólinn nemendur og kennara til annarra landa til að taka þátt í verkefnum og námskeiðum eða í starfsþjálfun tengda námi þeirra í Tækniskólanum. Ávinningur erlendra samskipta er að öðlast skilning í faginu á alþjóðlegum grunni og betri sýn á þau tækifæri sem bjóðast í tengslum við það. Ekki má heldur vanmeta reynsluna af því að búa og starfa á erlendri grund. Hver nemandi getur verið úti í 2 - 16 vikur eftir tilhögun og samkomulagi.

Umsóknarferli

Ingibjörg Rögnvaldsdóttir, forstöðumaður upplýsingaseturs sér um alþjóðamál. Hún aðstoðar nemendur, kennara og aðra starfsmenn við að finna skóla og námskeið erlendis. Ingibjörg svarar einnig spurningum um starfsþjálfun utanlands og ferlið sem þarf að ganga í gegnum til að sækja um.

Ingibjörg Rögnvaldsdóttir
Ingibjörg Rögnvaldsdóttir
ir@tskoli.is
sími: 514-9033
gsm: 695-1398

Stefna Tækniskólans í alþjóðamálum 

Tækniskólinn býður nemendum sínum upp á fyrsta flokks menntun sem nýtist þeim í atvinnulífinu, jafnt og til framhaldsnáms í fagskólum og háskólum, bæði innanlands og utan. Evrópa er að stórum hluta orðið eitt atvinnusvæði og ungt fólk sem er að ljúka námi vill eiga möguleika á að starfa og búa víðs vegar um heiminn, öðlast fjölþætta reynslu, læra nýja siði og venjur sem síðan auðga samfélag þeirra.

Tækniskólinn vill veita nemendum sínum möguleika á að kynnast straumum og stefnum erlendis, gefa þeim tækifæri til að víkka sjóndeildarhringinn og að öðlast innsýn í hugsunarhátt og starfsaðferðir erlendra fagaðila til að veita þeim sem mesta möguleika í námi og starfi í framtíðinni.

Markmið:

Tækniskólinn stefnir að því að auka hlut sinn í evrópsku samstarfi m.a. til að nemendur og starfsmenn eigi þess kost að heimsækja erlenda skóla og fyrirtæki og stunda þar nám og starfsnám.

Lögð skal áhersla á gagnkvæmar heimsóknir, jafnframt því að gefa nemendum og starfsmönnum kost á að fara í skólaheimsóknir.

Tækniskólinn tekur einnig á móti erlendum nemendum og skólafólki.

Aðgerðir og leiðir til árangurs:

Stýrihópur um alþjóðamál skal vera starfandi.  Í honum eiga sæti aðstoðarskólameistari, rekstrar- og fjármálastjóri auk alþjóðafulltrúa.

Alþjóðafulltrúi starfar við skólann og hefur það hlutverk að aðstoða nemendur og starfsmenn við allt sem tengist námsferðum

  • Sækja um styrki til að tryggja fjármagn
  • Finna skóla og fyrirtæki sem henta
  • Undirbúa ferðir, sjá til þess að pappírar séu rétt útfylltir og öllum formsatriðum sé fullnægt 
  • Eftirfylgni með styrkþegum, bæði erlendis og þegar heim er komið

Skólinn kemur til móts við nemendur og starfsmenn með því að gera þeim kleift að fara í ferðir á vinnutíma/skólatíma þar sem því er við komið. Þannig er hægt að heimsækja skóla og stofnanir á þeim tíma sem mest er um að vera þar.


Alþjóðastefna Tækniskólans