Afgreiðsla lykilorða
Notendanafn og lykilorð að Innu, Námsnetinu og tölvukerfi skólans.
Kennitala notenda er notendanafn þeirra.
Nemendur og forráðamenn geta nálgast lykilorð með eftirfarandi hætti:
Nemendur nálgast lykilorð í Innu og fá það sent á netfang sitt sem þar er skráð. Þetta lykilorð gildir í tölvurnar í skólanum, á Námsnetið og í Innu.
Sækja lykilorð:
Á heimasíðunni www.tskoli.is velur þú Inna nemenda neðst á síðunni. Einnig er hægt að fara beint inn á slóðina https://www.inna.is/Nemendur/
1. Þú smellir á tengilinn Sækja lykilorð á innskráningarsíðu Innu.
2. Slærð þar inn kennitöluna þína.
3. Inna sendir sjálfkrafa notendanafn og lykilorð í tölvupósti á það netfang sem þú gafst upp við innritun.
Nýja lykilorðinu þarf að breyta í fyrsta skipti sem þú skráir þig inn. Þegar lykilorði hefur verið breytt færðu póst sem staðfestir breytinguna.
4. Þetta lykilorð gildir bæði að Innu nemenda: https://www.inna.is/Nemendur/ og Námsnetinu: https://namsnet.tskoli.is/
Þegar lykilorði er breytt í Innu verður nýja lykilorðið einnig lykilorð þitt að Námsnetinu við næstu uppfærslu, uppfært er á hverri nóttu.
Innskráning:
Eingöngu er hægt að skrá sig inn í kerfið með kennitölu. Kennitala nemanda er notandafn inn á Innu, Námsnetið og tölvur skólans.
Ef notandi hefur slegið inn rangt lykilorð oftar en þrisvar þarf notandi að bíða í 5 mínútur áður en hann getur reynt að skrá sig inn aftur. Ef notandi slær enn inn rangt lykilorð þá þarf hann aftur að bíða í 10 mínútur eftir að reyna aftur. Biðtími eykst hratt eftir það ef notandi slær áfram inn vitlaust lykilorð.
Alltaf er hægt að smella á "Sækja lykilorð" og þá er nýtt lykilorð sent til notanda.
Ef netfang þitt er ekki rétt í Innu eða það vantar þá sendirðu tölvupóst á netfangið inna@tskoli.is gefur upp nafn og kennitölu með ósk um að fá netfang skráð í Innu.
Tölvupóstinn verður að senda úr því netfangi sem skrá á sem netfang þitt í Innu.
Forráðamenn nemenda geta með sama hætti sótt um aðgang að Innu og fengið netfang sitt skráð í Innu.
Þegar nemandi verður 18 ára lokast fyrir aðgang aðstandenda að Innu.
Nemendur geta opnað fyrir aðgang aðstandenda að Innu og/eða gefið samþykki fyrir því að skólinn veiti upplýsingar um sig til aðstandenda með því að setja Já í stað Nei í „Aðgangur“ í valmyndinni aðstandendur í Innu.
Nú er einnig hægt að skrá sig inn í Innu með rafrænum skilríkjum og veflykli ríkisskattstjóra (gildir ekki um Námsnetið):
- Slegið er á hnappinn island.is:
- Og annað hvort valið að "Lesa skilríki" eða kennitalan og veflykill ríkisskattstjóra sleginn inn:
