fbpx
Menu

Stjórn Skipurit

Stjórn og skipurit

 

Tækniskólinn er einkarekinn skóli, rekstrarfélag, með þjónustusamning við Mennta- og menningarmálaráðuneytið um rekstur framhaldsskóla. Í þjónustusamningnum eru ákvæði um að rekstrarfélag skólans geti ekki tekið arð úr rekstrinum og allur ábati skili sér í skólastarfið.

Tækniskólinn

Tækniskólinn er einkarekinn skóli, rekstrarfélag, með þjónustusamning við Mennta- og menningarmálaráðuneytið um rekstur framhaldsskóla. Í þjónustusamningnum eru ákvæði um að rekstrarfélag skólans geti ekki tekið arð úr rekstrinum og allur ábati skili sér í skólastarfið. Markmið eigenda rekstrarfélagsins er að skólinn skili færum starfsmönnum út í atvinnulífið. Skipurit skólans sýnir undirskólana og stjórnsýslu.

Tækniskólinn hefur sameiginlega yfirstjórn en kennslan skiptist milli átta undirskóla sem hafa faglegt sjálfstæði. Það eru Byggingatækniskólinn, Hönnunar- og handverksskólinn, Raftækniskólinn, Skipstjórnarskólinn, Tækniakademía, Tæknimenntaskólinn, Upplýsingatækniskólinn og Véltækniskólinn. Skólameistari stýrir Tækniskólanum en skólastjóri er yfir hverjum undirskólanna. Tækniskólinn starfar eftir áfangakerfi. Námslok við skólann miðast við að nemendur hafi lokið tilskildum áföngum og einingafjölda eins og tilgreint er í brautarlýsingum skólanámskrár. Skólaárinu er skipt upp í tvær annir, haustönn og vorönn

 

Stjórnskipan skólans

Tækniskólinn er einkarekinn skóli og er rekstrarfélagið í eigu aðila atvinnulífsins,  Samtaka fyrirtækja í sjávarútvegi (SFS), Samtaka iðnaðarins (SI), Samorku og Iðnaðarmannafélagsins í Reykjavík (IMFR)

 

Stjórn skólans er skipuð fulltrúum eigenda af eftirtöldum aðilum:

Stjórn:

•   SI – Arna Arnardóttir
•   SI – Bolli Árnason
•   SI – Egill Jónsson
•   SFS – Einar Sigurðsson
•   SFS – Hrefna Karlsdóttir
•   IMFR – Hjörtur Guðnason
•   Samorka – Páll Erland

 

Sjá skipurit Tækniskólans

 

Stjórnendur

Skóla­meistari Tækni­skólans er Hildur Ingvars­dóttir. Aðrir stjórn­endur eru Guðrún R. Lár­us­dóttir, aðstoðarskóla­meistari og Björg Jóns­dóttir rekstrar- og fjár­mála­stjóri.

 

Starfslýsingar

Starfsmenn skólans eru um 240. Þeir hafa skilgreindar starfslýsingar sem er að finna í gæðahandbók skólans á vef hans.

 

 

 

Uppfært
20.04.2021