Tækniskólinn leggur mikið upp úr öflugi stoðþjónustu sem ætlað er að styðja við nemendur og starfsfólk skólans.
Stoðþjónusta skólans er fjölbreytt og nær meðal annars yfir aðstoð í námi, sérkennslu, stuðning, námsráðgjöf, sálfræðiaðstoð, forvarnir og aðstoð í félagsmálum.
Hlutverk náms- og starfsráðgjafa er að standa vörð um velferð allra nemenda, styðja þá og liðsinna í málum sem snerta nám, skólavist, framhaldsnám og starfsval. Jafnframt sinna þeir ráðgjöf til kennara.
Tækniskólinn leggur sérstaka áherslu á andlega líðan nemenda og kennara og býður upp á gjaldfrjálsa sálfræðiþjónustu. Hægt er að leita til sálfræðiþjónustunnar vegna tilfinningalegra erfiðleika, samskiptavanda, gruns um ADHD eða vegna annarra mála.
Guðlaug Kjartansdóttir er forvarnarfulltrúi Tækniskólans og vinnur hún meðal annars að skipulagi vímulauss félagslífs í samstarfi við nemendur. Forvarnarfulltrúi aðstoðar þá sem eiga í vandræðum vegna áfengis eða annarra vímugjafa og stendur reglulega fyrir fræðsluerindum fyrir nemendur skólans.
Félagsmálafulltrúi skólans, Þorvaldur Guðjónsson, aðstoðar nemendasambandið NST og skólafélögin í sínu starfi.