Námsbraut
Vefþróun
Hefur þú áhuga á að starfa í skapandi tækniumhverfi? Hefur þú brennandi áhuga á veflausnum? Nám í vefþróun í Tækniakademíunni er sérsniðin námsleið í þróun, viðmóti, notendaupplifun og forritun.
Eingöngu er tekið inn í námið á haustin. Innritun á haustönn 2022 hefst 21. mars.
Innsýn í námið
Nám í vefþróun er eina námið hér á landi sem sameinar kennslu í vefhönnun, viðmóti og vefforritun. Sérstaða námsins felst í fámennum nemendahópi, góðu aðgengi að kennurum og námsumhverfi sem stuðlar að samheldni og samvinnu nemenda.
Í náminu er rík áhersla lögð á tengsl við atvinnulífið og fagaðila innan vefiðnaðarins.
Brautarlýsing
VEF21 Vefþróun
Inntökuskilyrði: Miðað er við að nemendur sem hefja nám í Vefþróun hafi lokið stúdentsprófi eða sambærilegri menntun. Ef umsækjandi hefur starfsreynslu í viðmótsforritun eða skyldum greinum verður það skoðað sérstaklega. Námið er skipulagt sem verkefnastýrt nám sem möguleiki er á að ljúka á einu ári (haustönn, vorönn og sumarönn), miðað við að nemendur stundi þetta sem fullt nám (30 einingar a önn) og er þá lokaverkefnið unnið á sumarönninni í samvinnu við fyrirtæki á markaðnum eða aðra aðila. Náminu er skipt upp í ákveðið mörg verkefni sem þarf að ljúka og getur nemandinn þannig haft áhrif á námshraða með því hversu hratt hann fer í gegnum verkefnin. Þó er ætlast til að öllu sé lokið á 2 árum.
Almennar upplýsingar
Inntökuskilyrði
Umsækjendur þurfa að hafa lokið stúdentsprófi eða sambærilegri menntun. Auk þess er gerð krafa um grunnþekkingu á tölvum og góða enskukunnáttu.
Mikill kostur er að umsækjendur hafi annaðhvort góðan grafískan bakgrunn eða grunn í forritun.
Að loknu námi
Að loknu námi í vefþróun eiga nemendur að hafa næga kunnáttu og hæfni til að koma inn á atvinnumarkaðinn. Viðmótshönnuðir- og vefforritarar starfa meðal annars hjá vefstofum og í vefdeildum hjá stórum og meðal stórum fyrirtækjum sem leggja áherslu á starfsemi á vefnum. Margir starfa þar að auki sjálfstætt og við nýsköpun.
Verkefni nemenda
Vefverkefni útskriftarnema
Tækni og hönnun sýnd í fjölbreytileika
Ólafur Hólm Eyþórsson á 3. önn í Vefskólanum
Hönnun og forritun á bíóvef.
Hrefna Þórey Kristbjörnsdóttir
Vefsíða - gagnasöfnun og myndræn framsetning
Ingunn Róbertsdóttir
Dashboard út frá eigin tölvunotkun
Skipulag náms
- Skipulag námsins
- Verkefnastýrt nám
- Uppbygging
- Nánari lýsing á verkefnum
SKIPULAG
- Búið er að endurskrifa námskrána í vefþróun yfir í verkefnastýrt nám (sjá næsta flipa hér til hliðar).
- Við það var námið stytt niður í 3 annir (90 fein) með möguleika á að ljúka því á einu ári. Þannig myndu nemendur í fullu námi taka haustönn, vorönn og svo sumarönn þar sem unnið væri að lokaverkefni í samvinnu við fyrirtæki undir leiðsögn kennara.
- Gjald er þá greitt fyrir haust- og vorönn kr. 250þús. hvor önn en þá fylgir sumarönnin með (ekki greitt sérstaklega fyrir hana).
- Mætingarskylda er í ákveðnar lotur/tíma/kynningar en þess á milli getur nemandi ráðið hvar hann vinnur verkefnin sín.
Hvað þýðir verkefnastýrt nám?
- Námið er byggt upp á ákveðið mörgum verkefnum sem þarf að leysa.
- Það eru verkefnin sem ráða námsframvindunni. Nemandi getur þannig stjórnað á hvaða hraða hann fer í gegn um námið með verkefnunum.
- Það þarf að ljúka öllum verkefnum sem lögð eru fyrir.
- Námstíminn 3 annir eða 1 ár miðast þó við að nemandinn sinni náminu að fullu eða ljúki 30 fein á önn. En hægt er að taka námið á lengri tíma fyrir þá sem það hentar.
Hér í skjali (pdf) má sjá yfirlit yfir verkefnin í náminu.
Hér er nánari lýsing á náminu á description in english
Hér má lesa aðeins nánar um uppbygginguna og verkefnin
Umsagnir
Þetta nám svo sannarlega borgaði sig!
„Hef ávallt haft einhvern áhuga á vefþróun en aldrei fundið nám sem hentaði mér eða var nógu heillandi, þar til ég fann Vefskólann. Kennararnir eru ótrúlega hjálpsamir, klárir og hvetjandi og að læra um alla króka og kima vefgeirans er einstaklega skemmtilegt og krefjandi. Þetta nám hefur sannarlega borgað sig.“
Spennt að mæta í skólann á hverjum degi!
„Ég kom inn í námið með miklar væntingar og get ekki sagt annað en að þær hafa algjörlega staðist. Það er greinilega mikill metnaður af hálfu stjórnenda og kennara og áhuginn hjá bekknum var alltaf mikill. Hópurinn var frábær, kennslan skemmtileg og ég var spennt að mæta í skólann á hverjum degi!“
Námið hentar vel fyrir bæði byrjendur og lengra komna!
„Námið er mjög verkefnadrifið og hvetur nemendur til að taka hugmyndir og verkefni lengra eftir kunnáttu þeirra. Það gerir það að verkum að námið hentar vel fyrir bæði byrjendur og lengra komna.“
- Ingunn Róbertsdóttir, útskrifuð úr vefþróun
- Birna Bryndís Thorkelsdóttir, útskrifuð úr vefþróun
- Alex Harri Jónsson, nemandi í vefþróun
FAQ
Spurt og svarað
Hve langt er námið í vefþróun?
Námið tekur 3 annir í fullu námi og því hægt að ljúka á 1 ári með því að taka sumarönn.
Hvað kostar námið?
Námið í heild kostar 500 þúsund. Greitt er fyrir haustönn og vorönn og er þá sumarönnin innifalin.
Sjá upplýsingar um skólagjöld í gjaldskrá Tækniskólans.
Hver eru inntökuskilyrði í námið?
Nemendur þurfa að hafa lokið stúdentsprófi. Góða kunnátta í grafík eða forritun styrkir umsókn.
Er námið lánshæft hjá LÍN?
Já, námið er lánshæft hjá LÍN – nánar hjá Lánasjóði íslenskra námsmanna.
Eru námsgögn nauðsynleg?
Nemendur þurfa að koma með sína eigin fartölvu.