Námsbraut
Kvikmyndatækni
Hefur þú áhuga á vinna við kvikmyndagerð, við tökur, undirbúning og eftirvinnslu? Þá er nám í kvikmyndatækni fyrir þig.
Innritað er í námið fyrir haustönn ár hvert.
Innritun opin frá 16. mars 2020.
Innsýn í námið
Metnaðarfullt nám með áherslu á tæknistörf við kvikmyndagerð.
Gott samstarfi er við atvinnulífið og kennarahópurinn skipaður fagfólki úr bransanum. Nemendur vinna eins og framleiðslufyrirtæki og allar hliðar kvikmyndagerðar koma við sögu.
Framleiðslan felur í sér vinnu við bíómyndir, sjónvarpsefni, tónlistarmyndbönd, auglýsingar, fréttir og beinar útsendingar.
Kennd eru fög sem tengjast tækninni sjálfri, bæði við undirbúning, framkvæmd og eftirvinnslu kvikmyndaverks. Kvikmyndatækni er í eðli sínu hópvinna margra aðila með sérþekkingu, sem skapa saman kvikmyndaverk.
Vefur námsbrautar - nánari upplýsingar
Almennar upplýsingar
Inntökuskilyrði
Einungis er innritað í þetta nám á haustönn – opnar fyrir umsóknir á vorin. (Innritunarhnappur með heitinu „Sækja um“ er hér á síðunni þegar opið er fyrir innritun)
Þú þarft að hafa lokið grunnskólaprófi og 60 einingum í framhaldsskóla. Hafa lokið að minnsta kosti 10 einingum í lífsleikni og menningarlæsi/náttúrulæsi á 1.þrepi. Enn fremur þarftu að hafa lokið 15 einingum í íslensku, ensku og stærðfræði á 2. þrepi – einum áfanga í hverri grein. Aðrar einingar til viðbótar mega vera almennt bóknám og iðngreinar en einnig er gott að hafa lokið námi í grafískri miðlun eða hreyfimyndagerð.
Að loknu námi
Nám í Kvikmyndatækni er ætlað að búa nemendur undir fjölbreytt störf í heimi kvikmyndagerðar.
Eftir útskrift áttu að vera vel í stakk búin til að takast á við flest störf við kvikmyndagerð, allt frá hugmyndavinnu til lokafrágangs.
Verkefni nemenda
Útskriftarnemar í kvikmyndatækni héldu bíósýningu
Tækni og metnaður
Sýning á lokaverkefnum nemenda í kvikmyndatækni fór fram í Bíó Paradís.
Glæsileg lokaverkefnin sýndu frábæra færni og tæknikunnáttu nemanna fyrir fullum sal af fólki.
FAQ
Spurt og svarað
Hvernig sæki ég um?
Innritunarhnappur með heitinu „Sækja um“ er hér á síðunni þegar opið er fyrir innritun (í mars til maí). Aðeins eru teknir inn nýjir nemendur í þetta nám á haustönn.
Hvað kostar námið?
Sjá upplýsingar um skólagjöld í gjaldskrá Tækniskólans.
Er námið lánshæft?
Lánasjóður íslenskra námsmanna veitir allar upplýsingar um lánshæfi náms á www.lin.is eða í síma 560 4000.
Eru efnisgjöld?
Nei, efnisgjöld eru innifalin í skólagjöldum.
Þess má geta að sú stefna hefur verið tekin upp hjá Fræðsluskrifstofu rafiðnaðarins að allt námsefni í rafiðngreinum verði ókeypis nemendum. Þetta er langt komið og sárafáar bækur sem nemendur þurfa að kaupa til námsins.
Námsefni er að finna á rafbok.is.
Hvenær hefst kennsla?
Nám í kvikmyndatækni hefst um miðjan september ár hvert. Upphaf hverrar annar er örlítið breytilegt en vorönn byrjar um miðjan janúar, sumarönn byrjar að jafnaði rétt upp úr júníbyrjun og haustönnin um eða uppúr 10 september. Upplýsingar um nánari dagsetningar koma frá fagstjóra.
Hvar fer kennslan fram?
Öll kennsla fer fram í Stúdío Sýrlandi í Vatnagörðum 4, 104 Reykjavík.
Er mætingarskylda?
Já, nánari reglur um skólasókn má finna hér.
Er nemendafélag?
Í Raftækniskólanum er starfandi skólafélag sem hefur það hlutverk að tengja stjórnendur skólans við nemendur og koma með athugasemdir og óskir um hluti sem betur mega fara. Jafnframt er skólafélagið tengiliður stjórnenda við nemendur. Fulltrúi skólafélagsins situr fundi með stjórnendum reglulega sem og fagráði skólans.
Skólafélagið skipar nefndir til að sjá um félagslíf innan skólans og uppákomur.
Nemendur sjá sjálfir um að móta, þróa og byggja upp félagsstarf. Saman mynda skólafélög innan Tækniskólans Nemendasamband Tækniskólans NST.
Raftækniskólinn er með spjallsíðu (hóp) á Facebook.