fbpx
Menu

Innsýn í námið

Fornámið á hönnunar- og nýsköpunarbraut byggir á skapandi vinnu og aðferðum í hönnun.

Ef að þú vilt undirbúa þig fyrir skapandi nám á háskólastigi og ert með stúdentspróf eða sambærilegt nám þá er þetta nám fyrir þig.

Ef að þú ert að koma beint úr grunnskóla þá er gott að skoða hönnunar- og nýsköpunarbraut – stúdentspróf.

Þú lærir að vinna með sjónræna þætti eins og teikningu, liti, form, rannsókn á umhverfi og samfélagi, hugmyndavinnu og lausnaleit.

Áhersla er á vinnu með sjálfbærni, nýsköpun og persónulega sýn í verkefnavinnu.

Nemendur vinna ferilmöppu á síðustu önn námsins.

Brautarlýsing

HNÝH21 - Hönnunar- og nýsköpunarbraut, fornám

Brautin er eins árs fornám fyrir nem­endur með námslok á 3. þrepi, stúd­ents­próf eða sam­bæri­legt. Námið byggir á vinnu með sjónræna þætti og aðferðir sem byggja á hönn­un­ar­ferli í lausna­leit.

Fornámið er fullt dagnám í tvær annir og ekki er gert ráð fyrir að námið taki lengri tíma.

Inn­töku­skilyrði: Til að hefja nám á hönn­unar- og nýsköp­un­ar­braut for­námi þarf að hafa lokið stúd­ents­prófi, námi á 3. þrepi eða sam­bæri­legu námi. Námið fer ekki af stað nema lág­marks­fjöldi nýrra umsókna náist.

Sjá námsskipulag og nánar um sameiginlega áfanga hönnunar- og nýsköpunarbraut – stúdentsleið.

Almennar upplýsingar

Inntökuskilyrði

Til að hefja nám í fornámi hönnunar- og nýsköpunarbrautar þarf að hafa lokið stúdentsprófi eða sambærilegu námi.

Horft er til frammistöðu og ástundunar í fyrra námi við inntöku nemenda og umsækjendur eru beðnir um að láta stutt kynningarbréf fylgja sem lýsir því af hverju viðkomandi sækir um sem viðhengi með umsókn.

Tuttugu nemendur eru teknir inn á brautina á haustin.

Að loknu námi

Að námi loknu ættir þú að vera með góðan undirbúning fyrir nám sem reynir á skapandi vinnu, lausnaleit og frumkvæði í einstaklingsvinnu sem og samvinnu.
Nemendur útbúa ferilmöppu og hafa möguleika á að sækja um listaháskóla hér heima og erlendis í arkitektúr, hönnun og ýmsum öðrum skapandi greinum.

Námsskipulag brautar

Verkefni nemenda

Erasmus+ styrkur veitir góð tækifæri

Námsdvöl í hönnunarskóla í Danmörku

Hönnun, smíði og teikning

Hönnun, smíði og teikning

Hönnun og nýsköpun á vorsýningu

Fjölbreytt verkefni á vorsýningu

Umsagnir

Mjög ánægð með námið

„Ég ákvað að fara í þetta nám eftir stúdentspróf úr Versló, því ég setti stefnuna á arkitektúr og þess vegna var fornámið á hönnunar- og nýsköpunarbraut góður grunnur fyrir háskólanám hér á Íslandi og erlendis“, segir Sól Elíasdóttir.

FAQ

Spurt og svarað

Hvernig sæki ég um?

Sækja um hnappur er hér á síðunni.

Er hægt að hefja nám bæði á haustin og vorin?

Nei, eingöngu er hægt að byrja á haustin.

Er fornámið kennt í dagskóla?

Já, námið er fullt dagskólanám í eitt ár eða tvær annir, haust- og vorönn.

Hvað kostar námið?

Sjá upplýsingar um skólagjöld í gjaldskrá Tækniskólans.

Er námið lánshæft?

Menntasjóður námsmanna veitir allar upplýsingar um lánshæfi náms á menntasjodur.is

Eru efnisgjöld?

Nei, efnisgjöld eru innifalin í skólagjöldum.

Hvenær hefst kennsla?

Sjá upplýsingar í skóladagatali Tækniskólans.

Hvar fer kennslan fram?

Kennslan á hönnunar- og nýsköpunarbraut fer fram á Skólavörðuholti.

Nánari upplýsingar um staðsetningu og húsnæði Tækniskólans.

Er mætingarskylda?

Já, hér má sjá nánari reglur um skólasókn í Tækniskólanum.

Er nemendafélag?

Nánari upplýsingar um félagslíf og nemendafélög Tækniskólans.

Er hægt að vera í hluta af náminu?

Nei, eingöngu er hægt að vera í fullu námi.

Spurningar

Hafðu samband og við svörum þér um hæl!

  • This field is for validation purposes and should be left unchanged.
Var efnið á síðunni hjálplegt?
Frábært það eru góðar fréttir!