Algengar spurningar og svör

Skemmtibátanámskeið í fjarnámi

Algengar spurningar og svör

1. Þarf ég að mæta í einhverja tíma í skemmtibátanáminu?

Námskeiðið er kennt í 100% fjarnámi en þátttakendur þurfa bara að mæta í lokaprófið.
Það má sjá nánari upplýsingar um þetta á kennsluvefnum undir tilkynningar.

2. Ég get ekki stundað námið fyrstu vikuna – er það í lagi?

Það er í lagi en samt sem áður þá verða þátttakendur að fara yfir allt námsefnið sem tilgreint er í dagskrá námskeiðsins.

3. Hvað þarf ég að verja miklum tíma í skemmtibátanámið?

Inni á kennsluvefnum eru verkefni sem þátttakndur þurfa að vinna til að fá þjálfun. Það er mjög mismunandi hvað þátttakendur þurfa langan tíma í að læra en það er komið undir hverjum og einum en við miðum við að þátttakendur komi vel þjálfaðir í lokaprófið. Það er nauðsynlegt fyrir þátttakendur að horfa á alla fyrirlestra á námskeiðinu.

4. Hvað af efninu inni á kennsluvefnum þarf ég að prenta út?

Það er mjög gott að prenta út dagskrá námskeiðsins og verkefnin í siglingafræði, siglingareglum og stöðugleika. Sjá nánar í dagskrá námskeiðsins.

5. Getum við verið tvö saman með sama sjókortið á námskeiðinu?

Hver þátttakandi þarf að vera með sitt sjókort á námskeiðinu. Í lokaprófinu tekur hver þátttakandi próf í sínu sjókorti.  Sama á við um gráðuhornið.

6. Hvað þarf ég að hafa með mér í lokaprófin í skemmtibátanáminu?

Það er nauðsynlegt að hafa sjókort 36, gráðuhorn, reglustiku, hringfara, reiknivél, skriffæri og strokleður. Það er mjög gott að hafa með sér aukablý í skrúfblýantinn og hringfararann.

7. Hvaða gögn má hafa með sér í próf í skemmtibátanáminu?

Í siglingafræði geta þátttakendur verið með öll gögn með sér fyrir utan snjallsíma og tölvur.
Það eru engin gögn leyfileg í siglingareglum og stöðugleika.

8. Hvernig eru prófin í skemmtibátanáminu?

Prófið er þrjár klukkustundir en það er próf í siglingafræði, siglingareglum og stöðugleika.

9. Hvar get ég séð einkunnir hjá mér eftir námskeiðið?

Inni á kennsluvefnum getur þú séð einkunnir undir verkefni. Þar sérð einkunn úr hverjum hluta.

10. Ég er ekki vanur/vön að sigla – hvar get ég fengið verklega þjálfun?

Sumir fá verklega þjálfun hjá vinum og kunningjum en margir fara á námskeið hjá siglingaklúbbum eins og Brokey hérna í Reykjavík eða sambærilegum siglingaklúbbum á landsbyggðinni.

11. Ég bý úti á landi. Er möguleiki á að ég geti fengið að taka lokaprófið í skólanum í minni heimabyggð?

Já - það er hægt en það þarf að vera í samráði við kennara námskeiðsins.

12. Ég bý erlendis. Er möguleiki á að ég geti fengið að taka lokaprófið í sendiráðinu hérna?

Já - það er hægt en það þarf að vera í samráði við kennara námskeiðsins.

13. Ég hef ekki náð að stunda námið vegna mikillar vinnu, veikinda eða mikilla anna. Get ég fengið að taka lokaprófið með næsta námskeiði?

Það er lítið mál að fá að taka lokaprófið með næsta námskeiði en það þarf að vera í samráði við kennara námskeiðsins.

14. Þegar ég er búinn með bóklega hlutann í skemmtibátanáminu – hvað geri ég þá?

Þegar bóklega hlutanum í náminu er lokið þá þurfa þátttakendur að taka verklegt próf á vélbát eða á skútu en það fer eftir því á hvernig bátum þátttakendur ætla að ná sér í réttindi á.

15. Hvar sæki ég um verklegt próf?

Þú getur haft samband við kennarann en hann er að taka þátttakendur í verkleg próf.  Hann er með vélbát til umráða en ef þátttakendur vilja taka skútupróf þá verða þeir sjálfir að útvega skútu. Síminn hjá kennaranum er 665 1100.

16. Hvað á ég að gera þegar ég er búinn að klára bóklega og verklega hlutann í skemmtibátaprófum?

Þú sækir um skemmtibátaskírteini hjá Samgöngustofu en þú þarft að skila inn til þeirra eftirfarandi gögnum: Bóklega skírteininu frá Tækniskólanum, vottorði prófdómara um að þú hafir lokið verklegu prófi á vélbát og eða á seglbát. Þú þarft einnig að skila inn læknisvottorði og passamynd. Nánar upplýsingar um þetta má sjá á heimasíðu Samgöngustofu (www.samgongustofa.is).

17. Hvar gilda skemmtibátaréttindin sem Samgöngustofa gefur út?

Réttindin á skemmtibáta gilda við Íslandsstrendur og annars staðar í heiminum eftir því sem skírteinið heimilar og skv. reglum einstakra ríkja. Skírteini til strandsiglinga gildir jafnframt sem alþjóðlegt skírteini til strandsiglinga og er byggt á fyrirmynd Sameinuðu þjóðanna (ICC- skírteini).

18. Hver er lágmarkseinkunn til að standast bókleg og verkleg próf?

Lágmarkseinkunn í bóklegu prófi er 7 í siglingareglum og siglingafræði, 5 í öðrum bóklegum námsþáttum og skal meðaleinkunn ekki vera lægri en 6. Verklegt próf er háð mati prófdómara.

19. Get ég notað minn bát í verklegu prófi?

Það er heimilt ef báturinn er 7,00 metrar eða lengri að skráningarlengd.

20. Eru skírteinin bundin ákveðnu farsviði?

Skemmtibátaskírteini gilda við strandsiglingar en strandsiglingar eru skilgreindar sem svæði sem er fyrir innan 50 sjómílur frá landi.

21. Þarf einhver vélstjórnarskírteini á skemmtibáta?

Ekki þarf sérstakt vélstjórnarskírteini á skemmtibát með 750 kW (um 1.000 hp) vélarafl og minna.

22. Hver eru skilyrði skírteinisins?

Að hafa náð 16 ára aldri – hafa staðist bóklegt og verklegt próf á skemmtibáta – vera íslenskur ríkisborgari eða með heimilisfesti á Íslandi – einnig vottorð læknis (sjá heimasíðu Samgöngustofu).

Athugið að ekki er gerð krafa um læknisvottorð frá sérstökum sjómannalækni þegar um er að ræða læknisvottorð fyrir skemmtibátaréttindi.

23. Ég er ekki búinn að ná 16 ára aldri – get ég samt komið á bóklega námskeiði?

Þú getur það en þú getur ekki sótt um skírteini hjá Samgöngustofu fyrr en þú ert orðinn 16 ára.

24. Hvaða bátar teljast skemmtibátar?

Með skemmtibátum er í lögum nr. 30/2007 átt við þau skip sem skrásett eru sem skemmtiskip samkvæmt lögum um skráningu skipa, nr. 115/1985, en bátar 6 metrar og lengri eru skráningarskyldir. Skemmtibátaréttindin veita réttindi til að stjórna skemmtibát sem er styttri en 24 metrar að skráningarlengd.

Nánari upplýsingar gefur Kjartan Örn kennari í síma 665 1100.

Birt með fyrirvara um villur.