Námsráðgjafarnir eru til viðtals við nemendur um allt sem lýtur að námi þeirra, t. d. val, skipulag náms og framvindu þess. Auk þess geta nemendur rætt persónuleg vandamál sín við námsráðgjafa í þeirri fullvissu að þeir eru bundnir þagnarskyldu um það sem þeim fer á milli.
Viðtalstímar námsráðgjafa
Námsráðgjafar eru Davíð S. Óskarsson og Sigurjóna Jónsdóttir. Þau verða í sumarleyfi frá 15. júní til 15. ágúst.
Náms- og starfsráðgjöf
Markmið ráðgjafarinnar er að veita nemendum þjónustu í málum sem tengjast persónulegum högum þeirra, námi og náms- og starfsvali. Þá er námsráðgjafa ætlað að veita foreldrum, kennurum og öðru samstarfsfólki ráðgjöf í málum einstakra nemenda.
Námsráðgjafar eru bundnir trúnaði við skjólstæðinga sína. Innan skólans eiga þeir að vera málsvarar nemendanna.
Mikið af tíma okkar ráðgjafanna fer í að fræða nemendur og foreldra um námsleiðir, veita aðstoð við áfangaval og ýmis hagnýt atriði er lúta að náminu. Einnig að veita nemendum stuðning við að skipuleggja nám sitt og stunda það. Persónulega ráðgjöfin er þó mikilvægasti hluti þjónustunnar.
|
Próf Byrjaðu á því sem þú kannt best og kláraðu það. |
Fátt mannlegt er námsráðgjafanum óviðkomandi. Hann ber virðingu fyrir þér sem persónu og hlustar af athygli. Hann segir þér ekki hvað þú átt að gera en aðstoðar þig við að finna þínar leiðir úr vandanum.
Auk þess geta nemendur rætt persónuleg vandamál sín við námsráðgjafa í þeirri fullvissu að þeir eru bundnir þagnarskyldu um það sem þeim fer á milli.
