Gæðamál

Gæðakerfi

Grunnhugsunin á bak við gæðakerfi er að unnið sé að stöðugum umbótum á allri starfsemi skólans. Það er ein af forsendum framþróunar að menn hugi stöðugt að endurbótum  á þeirri vöru sem þeir framleiða. Þessi „vara“ getur verið hvað sem helst: skip, breiðþota, tölva eða kennsluefni.

Fyrirtæki sem hugsa til framtíðar verða að starfrækja gæðakerfi til að halda utan um framleiðslu sína á skipulagðan hátt. Reyndar gera alþjóðasamþykktir frá  International Maritime Organisation (IMO), sem Ísland og þar með skólinn er aðili að, og lög frá Alþingi, sömu kröfur. Rökrétt er því að Skipstjórnarskólinn og Véltækniskólinn vinni eftir slíku kerfi. IMO gerir kröfu um úttekt á gæðakerfinu á fimm ára fresti eða oftar. Þessi úttekt, sem er gerð af utanaðkomandi, óháðum aðila, á að tryggja að menn sofni ekki  á sinni vakt og stýri  fyrirtæki sínu í strand.

Tækniskólinn í heild  stefnir að vottun allrar kennslu  innan þriggja ára, ISO 9001:2000.

Gæðakerfi skólans á að tryggja að skólinn uppfylli þær þarfir og væntingar sem nemendur og aðrir viðskiptavinir hafa til hans. Gæðakerfið er leiðarvísir um  kennsluferli skólans, hver gerir hvað, hvernig og hvenær. Þetta ferli er stöðugt endurbætt og tekið út tvisvar á ári.   Með gæðakerfi er verið að lýsa hvernig skólinn starfar og tryggja að unnið sé eftir þeim vinnureglum sem þar eru settar.

Innihald gæðakerfis skólans er í Rekstrarhandbók hans sem opin er öllum í gegnum þessa heimasíðu. 

Einnig er það mikilvægur hluti gæðakerfisins að allir geti komið á framfæri ábendingum og kvörtunum sem má gera hér.

Skýrsla um kennslumat 

Inngangur

Samantekt þessi sýnir framkvæmd og helstu niðurstöður kennslumats í Tækniskólanum, veturinn 2008-2009.

Haustönn 2008

Kennslumat fór fram á Námsnetinu á tímabilinu 3. – 12. október. Nemendum gafst kostur á að svara tíu spurningum um áfanga sem þeir sátu.

Spurningarnar voru:

  1. Hversu vel eða illa finnst þér kennarinn vera undirbúinn?          

  2. Hversu vel eða illa finnst þér kennarinn hafa komið námsefninu til skila?          

  3. Hvort finnst þér kennarinn vera stundvís eða óstundvís?          

  4. Er þú ánægð(ur) eða óánægð(ur) með framkomu kennarans við þig?          

  5. Hversu vel eða illa endurspegla próf/verkefni kennsluna í áfanganum? 

  6. Hvort fannst þér verkefni áfangans vera áhugaverð eða leiðinleg? 

  7. Hversu ánægð(ur) eða óánægð(ur) ert þú með námsefni áfangans? 

  8. Hversu ánægð(ur) eða óánægð(ur) ert þú með kennsluna? 

  9. Hvernig líður þér venjulega í kennslustundum? 

  10. Hversu mikið eða lítið fylgist kennarinn með námi þínu? 

Svarmöguleikar voru fimm og var hæsta gildi í úrvinnslu 5 og lægst 1, ef ekkert svar var gefið var gildið 0 sett við svarið.

Alls bárust 45380 svör frá 818 nemendum, sem þýðir að hver nemandi sem tók þátt í könnuninni svaraði námsmatinu fyrir um fimm áfanga.

Niðurstöður voru birtar hverjum og einum kennara innan Námsnetsins og fengu skólastjórar útprentað eintak af niðurstöðum skóla ásamt samanburði við heildarniðurstöður skólans.

Vorönn 2009 

Kennslumat fór fram á tímabilinu 16. febrúar til 22. febrúar. Þátttaka nemenda var mun betri í þetta sinn og má eflaust þakka því að hluta til að kennarar og aðrir starfsmenn voru duglegir að minna nemendur á að taka þátt auk þess sem nemendur voru minntir á með sms skilaboðum að taka þátt.

Sömu spurningarnar voru lagðar fyrir nemendur eins og á haustönn en jafnframt var opin textaspurning þar sem nemendur gátu komið ábendingum um áfangann á framfæri.