Útskrift Tækniskólans 21. maí 2010 - myndir og verðlaunahafar

Útskrifaðir voru nemendur í tvennu lagi frá Tækniskólanum, skóla atvinnulífsins, þetta vorið. Fyrst var útskrift út dagskóla 21. maí og síðan frá Meistaraskólanum og Tækniakademíunni 29 maí.

Frá Tækniskólanum í dagskóla útskrifuðust 250 nemendur úr níu skólum af 13 mismunandi brautum.  Athöfnin fór fram í Háskólabíó og var mjög hátíðleg og fylltu nemendur og aðstandendur þeirra salinn.

Tónlistarflutningur var harmonikkuleikur sem Halldór Pétur Davíðsson, Jónas Ásgeir Ásgeirsson, Flemming Viðar Valmundsson og Benedikt Kristján Magnússon sáu um.

Ávarp flutti Jón Steindór Valdimarsson formaður stjórnar Tækniskólans.

Skólastjóri hvers skóla sá um að brautskrá nemendur úr sínum skóla og afhenda þeim skírteini og síðan var tekin mynd af útskriftarhópnum. Myndir má sjá hér í töflunni með því að velja nafn hvers skóla en betri útgáfur af þeim eru til sölu hjá ljósmyndaranum Jóhannesi Long.

Verðlaun voru veitt í mörgum greinum og er óhætt að segja að verðlaunahafar hafi verið frábærir fulltrúar þessa góða hóps nemenda sem nú útskrifuðust.

 Eftirtaldir fengu verðlaun: