Íslandsmót iðn- og verkgreina

Fimmtudaginn 18. og föstudaginn 19. mars verður Íslandsmót iðn- og verkgreina haldið í Smáralindinni, í Vetrargarðinum og á fyrstu hæð. Keppnin í ár verður sú stærsta hingað til á Íslandi en keppt er í 15 greinum auk þess sem fleiri greinar verða með sýningar á aðferðum og tækni.  

Rúmlega þrjátíu nemendur keppa fyrir hönd Tækniskólans.   Keppni  hefst báða dagana kl. 09:30 og lýkur kl. 16:30 á fimmtudaginn en 15:30 á föstudaginn. Verðlaunaafhending hefst svo kl. 18:00 á föstudag.   

Þeir nemendur sem vinna til verðlauna á Íslandsmótinu eiga möguleika á verða fulltrúar Íslands í sinni grein á Evrópu- og heimsmeistaramótum iðngreina (Euroskills og Worldskills). Það er því til mikils að vinna fyrir þá sem taka þátt.

Tækniskólinn er auk þess með um 90 fermetra sýningarsvæði á jarðhæð Smáralindar báða dagana. Þar verða nemendur og starfsfólk að störfum og segja frá starfsemi skólans.  Boðið verður upp á áhugaverðar og skemmtilegar sýningar og gestir geta kynnt sér keramikmótun, rennibekki, útskurð, lóðningar, vélahermi og forritun á vélbúnaði, klæðskurðarverkstæði, lítið verkstæði í gull- og silfursmíði og séð hársnyrtinema að störfum svo eitthvað sé nefnt.

Eftirtaldir nemendur keppa fyrir hönd Tækniskólans:

Sjón er sögu ríkari.  Við hvetjum alla til að koma, fylgjast með spennandi keppni og skoða svæðið okkar í Smáralindinni