Opnir dagar

Opnir dagar í Tækniskólanum 25. og 26. febrúar

Skráning er í flesta viðburði. Nemendur þurfa að fá samtals þrjú mætingarstig fyrir fimmtudaginn og föstudaginn. Ef farið er í ferð á fimmtudaginn sem er lengri en fimm tímar þá fást tvö mætingarstig fyrir ferðina, sem þýðir að þið þurfið að fara á eitt námskeið eða fyrirlestur á föstudaginn. Þið fáið eingöngu eitt mætingarstig fyrir styttri ferðirnar á fimmtudaginn. Þeir viðburðir sem ekki er skráð í gefa ekki mætingarpunkta.

Munið að skrá ykkur á Námsnetinu.

OPNIR DAGAR - DAGSKRÁ 25. OG 26. FEBRÚAR

Laugardaginn 27. febrúar er Skrúfudagurinn, kynningardagur skólans, allir nemendur eru beðnir um að taka virkan þátt í þeim degi með starfsmönnum skólans frá kl. 12:00-16:00. Gefið er frí á móti þessi degi, föstudaginn eftir sumardaginn fyrsta. Hafið samband við skólastjóra ykkar ef þið viljið hjálpa til á Skrúfudaginn.