Tæknimenntaskólinn

Góður grunnur – greið leið

Hlutverk Tæknimenntaskólans er tvíþætt. Annars vegar stunda nemendur allra undirskóla eða brauta Tækniskólans þar nám í bóklegum greinum, s.s. ensku, íslensku og stærðfræði. Hins vegar útskrifast nemendur með stúdentspróf frá skólanum.

Stúdentar frá Tækniskólanum hafa það fram yfir stúdenta af hefðbundnum stúdentsbrautum framhaldsskóla að þeir hafa alltaf aflað sér tvíþættrar menntunar þegar þeir útskrifast. Nám til stúdentsprófs er þannig viðbótarnám við það sérsvið eða þá braut sem nemendur velja sér, s.s. almenna hönnun, tölvubraut, húsgagnasmíðabraut o.s.frv. Einnig geta nemendur útskrifast sem stúdentar af náttúrufræðibraut með sérhæfingu í flugtækni, raftækni, skipstækni eða véltækni.

Markmið kennara Tæknimenntaskólans er að veita nemendum traustan grunn í bóklegum greinum sem er nauðsynlegur hluti og undirstaða alls annars náms. Ennfremur að gera nemendum allra undirskóla eða brauta kleift að bæta við sig námi til þess að útskrifast með stúdentspróf auk útskriftar af tilteknu sérsviði.

Stefna Tæknimenntaskólans er að efla sjálfstæði nemenda og frumkvæði með markvissum kennsluaðferðum og fjölbreyttu námsmati þar sem vinna á önninni er stór hluti lokaeinkunnar.

Kolbrún Kolbeinsdóttir er skólastjóri Tæknimenntaskólans, kk@tskoli.is.

Fastir viðtalstímar á kennslutíma á Skólavörðuholti, stofu 319

Mánudaga, miðvikudaga, föstudaga klukkan 10-11

Fastur viðtalstími á kennslutíma á Háteigsvegi, skrifstofu 2. hæð

Þriðjudaga klukkan 10-11

Viðtalstímar fyrir utan kennslutíma samkvæmt samkomulagi.

Sími: 514 9301 og 891 9230

Tæknimenntaskólinn	Skólastjóri	Netfang	Símanúmer
	Kolbrún Kolbeinsdóttir	kk@tskoli.is	514 9301 891 9230
Viðtalstímar - dagar	Tími	Staðsetning	Stofa
Mán., miðv. og föstudaga	10:00 - 11:00	Skólavörðuholti	319
Þriðjudaga	10:00 - 11:00	Háteigsvegi	Skrifst. 2. hæð