Hársnyrtiskólinn

Litríkur og lokkandi

Kynningarbæklingur (swf)
Kynningarbæklingur (pdf)

Sköpun, kraftur, metnaður, lífsstíll

Hársnyrtingin er lifandi fag og viðfangsefnið er lifandi fólk. Það gefur auga leið að fjölbreytnin er mikil og nauðsynlegt að vera vakandi fyrir nýjungum og finna lausnir sem henta ólíkum einstaklingum og aðstæðum. Til þess að vaxa við þær aðstæður þarf að leggja rækt við grunninn.

Kennarar skólans hafa breiða fagþekkingu og mikla reynslu. Skólinn er litríkur, lifandi og metnaðarfullur. Við erum stolt af okkar fólki sem hefur valið sér metnaðarfullt og gefandi starf út í lífið.

Námsleiðir: Hársnyrting, stúdentspróf

Markmið námsins er að gera nemendur færa um að veita þá alhliða þjónustu sem er í boði á hársnyrtistofum á hverjum tíma. Náminu lýkur með sveinsprófi sem veitir rétt til starfa í iðninni og til inngöngu í nám til iðnmeistaraprófs. Námið úr skólanum er góður undirbúningur fyrir frekara nám svo sem í listaháskólum. Meðalnámstími er fjögur ár og skiptist í fimm anna nám í skóla og 72 vikna starfsþjálfun. Til að ljúka stúdentsprófi þarf að bæta við tveimur til þremur önnum í almennu námi.

Skólastjóri Hársnyrtiskólans er Ragnheiður Bjarnadóttir, rab@tskoli.is
Viðtalstímar eru í stofu 222, kl. 10:00 - 11:30, þriðjudaga - fimmtudaga.