Námskröfur

1.    Nemandi skal ljúka 9 einingum á önn hið minnsta.  

2.    Heimilt er að víkja frá þessu ákvæði ef um er að ræða:

• Sérstaka erfiðleika í námi, svo sem lesröskun eða fötlun.
• Lokaönn í námi.
• Nemendur á námssamningi.
• Nemendur á fyrstu önn í námi.
  

3.    Nemandi sem fellur á önn fær aðeins heimild til innritunar á næstu önn hafi hann haft meira en 70% mætingu á önninni og geri samning um ástundun og skólasókn.

4.    Nemandi sem fallið hefur á tveimur önnum í röð eða þrem önnum samtals fær ekki skólavist á næstu önn.

5.    Falli nemandi á önn á hann rétt á að láta þá áfanga standa þar sem hann hefur fengið einkunnina 7 eða hærra.

Um fall í einstökum áföngum

1.    Falli nemandi þrisvar í sama áfanga þarf nemandi að sækja um undanþágu til skólastjóra ef hann vill halda námi áfram. Skólastjóri metur aðstæður nemandans og heimilar frekari skólavist eða hafnar. Jafnframt vísar skólastjóri nemandanum til námsráðgjafa.

2.    Falli nemandi í fjórða sinn í sama áfanga er honum ekki heimiluð frekari skólavist.