Miðannarmat

Miðannarmat

Miðannarmat og kennslumat.

Á hverri önn fer fram miðannarmat í Tækniskólanum. Nemendur svara spurningum um kennsluna í einstökum áföngum og kennarar gefa nemendum vitnisburð um stöðu þeirra í hverjum áfanga fyrir sig. Vitnisburðurinn byggir fyrst og fremst á því námsmati sem þegar hefur farið fram í viðkomandi áfanga.

Hér eru leiðbeiningar við kennslumat.

Vitnisburður á miðannarmati er gefinn í bókstöfum:

A = Ágætt. Nemanda gengur ákaflega vel.
B = Í lagi. Nemandi hefur tök á efninu en má ekki slá slöku við.
C= Ábótavant. Nemandi þarf að taka sig á til að ná áfanganum.
X= Ekki forsendur til að gefa vitnisburð.

Mikilvægt er að minna á að miðannarmatið er hvatning til þeirra nemenda sem fá C að ganga af kappi í það að læra og leita aðstoðar hjá kennara eða námsráðgjafa til þess að skipuleggja námið í áfanganum. Þeir sem fá B eru hvattir til að slá ekki slöku við og helst að bæta árangurinn enn frekar. Þeir sem fá A eru hvattir til að halda áfram á sömu braut og gefa hvergi eftir.

Nemendur og forráðamenn þeirra geta skoðað niðurstöður miðannarmats í Innu.

Ef spurningar vakna vegna miðannarmatsins eru forráðamenn hvattir til að hafa samband við viðkomandi kennara eða umsjónarkennara nemanda.

Mynd úr Innu - miðannarmat.