Fartölvur nemenda og prentarar skólans
Nú er hægt að tengjast prenturum skólans í gegnum fartölvur á Hotspot-neti skólans, með forriti sem notast við aðgang nemenda að tölvum skólans. Sú tenging virkar meðan tölvan er ekki endurræst, eftir það þarf að keyra forritið aftur.Nauðsynlegt er að eiga prentkort til að geta sótt útprentunina.
Forritið virkar eingöngu fyrir tölvur með Windows stýrikerfi.
1. Fyrst af öllu þarf að hala niður þessu forriti: Ts-prentmapparinn.exe, og vista það á tölvunni.
2. Svo er að opna það en þá er líklegt að tölvan komi upp með glugga, sem þennan við hliðina (úr Windows XP), þar sem "Run" er valið.
3. Forritið biður um notendanafn og lykilorð, sem eru þau sömu og notuð eru á tölvur skólans, kennitala og lykilorðið í Innuna.
4. Eftir að það hefur verið gefið upp og ýtt á ,,Tengja prentara" þá á að koma fram að ,,Prentarar hafa verið tengdir" eins og sjá má í þessum glugga:
5. Þegar öllu þessu er lokið á fartölvan að hafa aðgang að þessum prenturum, alveg eins og ef nemandi væri skráður inn á einhverja af tölvum skólans:
6. Windows stýrikerfið þarf svo að setja inn prentarastýringar áður en prentararnir eru notaðir í fyrsta skipti og þá er líklegt að gluggar í ætt við þennan komi upp (úr Windows 7):
Þá er valið "Install driver" og tölvan er tilbúin.