Aðgangur að tölvukerfi

Allir þeir sem skráðir eru í Tækniskólann fá aðgang að tölvukerfi hans auk þess að fá netfang og heimasvæði.

Notendanöfn og aðgangsorð (lykilorð)

Notendanöfn og aðgangsorð eru þau sömu og notuð eru til að skrá sig inn í Innu. Nú þurfa allir að nota kennitöluna sína sem notendanafn, TS-númerin virka ekki lengur, hvorki í Innu né í tölvukerfi skólans. Allir notendur sækja sér aðgangsorð að INNU og Námsnetinu með því að velja Inna nemendur neðst á www.tskoli.is. Þegar sá gluggi hefur opnast veljið þið Gleymt lykilorð, sláið inn kennitölu og veljið Tækniskólann í felliglugganum. Að lokinni þessari aðgerð er aðgangsorðið sent í tölvupósti á netfangið sem slegið var inn. Í tölvupóstinum er einnig að finna upplýsingar um netfang þeirra við skólann.

Að breyta aðgangsorði

Vilji menn breyta hjá sér aðgangsorðinu þá eiga þeir að gera það í Innu. Þegar aðgangsorði hefur verið breytt í Innu þá skila þær breytingar sér einnig inn í tölvukerfi skólans í síðasta lagi næstu nótt. Það sama gildir einnig um aðgang að Námsneti.

Netföng

Allir nemendur fá úthlutað netfangi hjá skólanum. Öll netföng nemenda hafa endinguna @nemi.tskoli.is. Netfang hvers og eins samanstendur af þremur atriðum. Fyrsta nafni, föðurnafni (síðasta nafni) og fyrstu þremur tölustöfunum af síðustu fjórum úr kennitölu viðkomandi. Tökum dæmi, um Davíð Óskar Sigurðsson með kennitöluna 251280-2339. Netfang hans er davidsi233@nemi.tskoli.is.

LiveID

Allir nemendur fá úthlutað svokölluðu LiveID frá Microsoft sem er það sama og netfang viðkomandi. LiveID sér um auðkenningu nemenda gagnvart ýmissi þjónustu, þar á meðal tölvupósti nemenda og heimasvæðum þeirra. aðgangsorð hvers og eins inn í LiveID þjónustuna er það sama og þeir nota í Innu.

Tölvupóstur

Nemendur geta komist í skólatölvupóst sinn hvar sem og hvenær sem er að því gefnu að þeir hafi aðgang að nettengdri tölvu, jafnt í skólanum sem annars staðar. Til að tengjast inn á póstinn geta menn smellt á krækju neðst á heimasíðu Tækniskólans eða farið á slóðina http://www.outlook.com/. Allur póstur er rusl og vírusskannaður

Live@edu?

Hvað er Live@edu?

Tækniskólinn, í samvinnu við Microsoft, bíður nemendum sínum upp á samskiptaumhverfi sem inniheldur tölvupóstþjónustu sem kölluð er Live@edu og veflægt gagnageymslusvæði sem kallað er Skydrive. Allir nemendur skólans fá úthlutað sérstöku LiveID sem opnar þeim aðgang að þjónustunni.

Tölvupóstur

• Live@edu leysir af hólmi eldri tölvupóst sem nemendur höfðu hjá skólanum.
• Hvert pósthólf getur orðið 10 Gb að hámarki.
• Allur póstur er vírus- og ruslpóstssíaður.
• Hægt er að nota margar gerðir stýrikerfa, forrita og vefskoðara til að nálgast þjónustuna. Microsoft Internet Explorer eða Outlook, Safari, Opera eða Firefox svo eitthvað sé nefnt.

Skydrive

• Er veflægt geymsluumhverfi hýst af Microsoft og aðgengilegt hvar sem er svo lengi sem vél er tengd Internetinu.
• 25 Gb geymslupláss.
• Þú getur veitt öðrum notendum Skydrive aðgengi að ákveðnum skjölum.

Hvað þarf ég til að skrá mig inn?

Til að skrá þig inn á þjónustuna þarft þú eftirfarandi:

• Netfang þitt við Tækniskólann (dæmi sveinnbj123@nemi.tskoli.is).
• Aðgangsorð þitt að Innu.

Hvar fæ ég upplýsingar um Live@edu aðganginn minn?

• Netfang þitt við Tækniskólann er sent öllum þeim sem skráðir eru í skólann í tölvupósti á það netfang sem gefið er upp í Innu.
• Netföng nemenda er samsett á eftirfarandi hátt. Fyrsta nafn+2 fyrstu stafir úr síðasta nafni+3 fyrstu tölustöfum af síðustu fjórum úr kennitölu. Dæmi Gunnar Jón Bjarnason kt. 123456-7890 fær netfangið gunnarbj789@nemi.tskoli.is.

Hvernig tengist ég þjónustunni?

• Tenglar á tölvupóst nemenda og heimasvæði nemenda eru á heimasíðu Tækniskólans.
• Einnig er hægt að fara á http://www.outlook.com/ fyrir tölvupóst og http://skydrive.live.com/ fyrir heimasvæði.

Hvað gerist þegar ég skrái mig inn í fyrsta skipti?

• Þegar þú skráir þig inn á tölvupóstinn eða heimasvæðið í fyrsta skipti ert þú beðinn um að svara nokkrum öryggisspurningum og einnig ert þú beðin/n um að skrá inn annað netfang (utan skólans) sem hægt er að nota til að senda þér aðgangsorðið þitt ef þú gleymir því.