Fréttir
  • Næturflug

Næturflugsáritun

9/7/17

Yfirflugkennari vill minna alla flugnema á að öðlast næturflugsáritun hið fyrsta, sér í lagi þarf að hyggja á að fá blindflugsáritun eða atvinnuflugmannsskírteini. 

Núna er að byrja sá tími árs sem hentugt er að öðlast næturflugsáritun.  Vegna krafna í reglugerð um skírteini, þurfa þeir nemar sem hafa hug á því að öðlast blindflugsáritun og atvinnuflugmannsskírteini, að verða sér úti um þá þjálfun sem þarf til að fá næturflugsáritun í einkaflugmannsskírteini sitt.

Eftirfarandi er samantekt fyrir nemendur úr reglugerð um skírteini EASA Part FCL;

Væntanlegir blindflugsnemar

  • Samkvæmt reglugerð um skírteini þarf umsækjandi að vera handhafi PPL(A) eða CPL(A) skírteinis með næturflugsáritun, auk 50 landflugsfartíma sem flugstjóri.

Væntanlegir atvinnuflugmannsnemar

  • Samkvæmt reglugerð um skírteini þarf umsækjandi að vera handhafi PPL(A)  skírteinis með næturflugsáritun, auk 200 fartíma á flugvélum skráðum eða samþykktum af aðilarríki EASA.

Næturflugsnám er framkvæmt af tilskyldum flugkennara sem til þess hefur réttindi, þ.e. flugkennari sem hefur leyfi til næturflugskennslu.

Næturflugsþjálfun er sem hér segir;

5 klst heildar flugtími í næturflugi en af þeim eru;

  • 3 klst með flugkennara, en af því er  1 klst í yfirlandsflug með flugkennara.
  • 2 klst í einliðaflugi

Eftir að þjálfun er lokið er áritun staðfest með færslu í flugtímabók af flugkennara Flugskóla sem hefur réttindi til næturflugskennslu og sá um flugkennsluna.

 Áritun færist svo í skírteini af skírteinadeild Flugmálastjórnar og má flugmaður þá fyrst neyta réttindanna.


Nánari upplýsingar cfi@flugskoli.is 

Til baka Senda grein