Fréttir
  • ATPL hópur Flugskóla Íslands, ásamt skólastjóra Flugskóla Íslands, skólameistara Tækniskólans og aðstoðarskólameistara.
  • Sigurður Ingi Jónsson var valinn nemandi ársins hjá Flugskóla Íslands.
  • Daníel Örn Steinarsson tekur við viðurkenningum fyrir bestan heildarárangur.

Metfjöldi atvinnuflugmanna útskrifaður

5/26/17

Aukin umsvif í ferðaþjónustu kallar á fleiri fagmenntaða flugmenn

Flugskóli Íslands brautskráði 58 nemendur við hátíðlega athöfn í Eldborgarsal Hörpu – miðvikudaginn 24. maí – þetta er stærsti hópur atvinnuflugmanna sem nokkur skóli hefur útskrifað hér á landi.
Baldvin Birgisson, skólastjóri Flugskóla Íslands, nefndi það í ræðu sinni að vegna aukinna umsvifa í ferðaþjónustu kallar atvinnulífið á fagmenntaða flugmenn sem aldrei fyrr. Flugskóli Íslands er einn af undirskólum Tækniskólans.

ATPL hópur Flugskóla Íslands, ásamt skólastjóra Flugskóla Íslands, skólameistara Tækniskólans og aðstoðarskólameistara.

 ATPL hópur Flugskóla Íslands, ásamt skólastjóra Flugskóla Íslands, skólameistara Tækniskólans og aðstoðarskólameistara.

Nemandi ársins valinn og verðlaun veitt 

Daníel Örn Steinarsson tekur við viðurkenningum fyrir bestan heildarárangur.Fjögur fyrirtæki veittu viðurkenningu fyrir bestan heildarárangur í atvinnuflugmannsnámi – það eru fyrirtækin Air Atlanta, Icelandair, Wow Air og Norlandair – það var Daníel Örn Steinarsson sem hlaut þær viðurkenningar.
Einnig hlutu Steinar Andri Einarsson og Snædís Erla Leósdóttir viðurkenningu fyrir góðan námsárangur. Til þess að skera úr um röðun á hæstu einkunn, þurfti að nota tvo aukastafi en sex nemendur skólans voru með 9,7 í lokaeinkunn. Allir þessir sex nemendurnir fengu að launum flugtíma í þotuflughermi skólans.


Daníel Örn Steinarsson tekur við viðurkenningum fyrir bestan heildarárangur.

Nemandi ársins hjá Flugskóla Íslands, valinn af stjórnendum skólans, er Sigurður Ingi Jónsson. Sigurður var valinn fyrir áræðni og elju að ljúka atvinnuflugmannsnámi 58 ára að aldri. Norlandair gefur nemanda ársins gjafabréf.

Sigurður Ingi Jónsson var valinn nemandi ársins hjá Flugskóla Íslands.


 Sigurður Ingi Jónsson var valinn nemandi ársins hjá Flugskóla Íslands.

 

 

Til baka Senda grein