Grunnnámskeið flugfreyju / flugþjóna

Grunnnámskeið fyrir flugfreyju/-þjóna námskeið, sem hannað er samkvæmt stöðlum  Evrópubandalagsins, Flugöryggisstofnun Evrópu og Reglugerðar um flutningaflug EU OPS O-kafla 1.1005, miðar að því að gera nemendur færa til að starfa um borð í loftfari sem þjónustuliði að námi loknu.

Við útskrift öðlast nemandinn útskriftarskjal, "Attestation of Cabin Crew Initital Safety Training", sem staðfestir grunnnám til starfa flugfreyju/-þjóna og skal notast við umsókn að starfi hjá evrópskum flugfélögum og flugrekendum sem starfa eftir ákvæðum European Aviation Safety Administration - EASA.

Tegundarþjálfun miðast við algengustu tegundir flugvéla sem notuð eru af íslenskum flugrekendum í dag.

Inntökuskilyrði

• Lágmarksaldur 20 ára.
• Hafa lokið a.m.k tveggja ára námi í framhaldsskóla,
• Hafa gott vald á ensku og einu norðurlandatungumáli.
• Þriðja tungumálið æskilegt.
• Standast enskupróf sem sett er áður en námskeið hefst.
• Viðtal við fagstjórnanda náms fyrir námskeið.
• Afrit af námsgögnum og vegabréfi til staðfestingar verður að berast skrifstofu skólans fyrir námskeið.

Námslýsing

Grunnnámið er 7 vikur að lengd, kennt á kvöldin (17:30- 22:00 á virkum dögum) og innifelur m.a. í sér eftirfarandi fög:

• Kynning á starfi flugfreyju/-þjóna og flugsögu Íslands.
• Mannleg geta, agi og hlutverk starfsins.
• Farþegaþjónusta og meðhöndlun á farþega
• Þjálfun til að þekkja og beita réttum viðbrögðum við flutningi hættulegra efna.
• Öryggisþjálfun
• Heilbrigðisfræði og skyndihjálp, lyfjanotkun
• Sjálfsbjargartækni í náttúrunni (eyðimörkum, fjöllum og "köldum svæðum")
• Notkun björgunarbáta, búnaðar þess og sjálfsbjargartækni á vatni/úthafi.
• Áhafnasamstarf og hin mannlegi þáttur í samskiptum.
• Viðbrögð og æfing slökkvistarfs í reyk og eld.
• Samskipti við fyrirtæki og kynning á handbókum
• Prófanir og viðhald réttinda samkvæmt reglum.
• Kynning á flugvél, stjórnklefa og búnaðar flugvélar.
• Farþegaávarp og kynning á neyðarrýmingu.
• Meðhöndlun og starfræksla á hurðum og neyðarútgönguleiðum.
• Meðhöndlun og starfræksla á neyðarbúnaði um borð í loftfari.
• Neyðarrýming loftfars og viðbrögð við önnur neyðartilfelli.
• Stjórnun fólks við neyðarrýmingu.
• Notkun neyðarrennu og æfing á rýmingu í neyðarrennum.
• Vibrögð við meðvitundarleysi flugmanna.