Félagslíf
Markmið félagslífs Tækniskólans er umfram allt að efla samvinnu og samkennd meðal nemenda.
Félagslífinu er stjórnað af Nemendafélagi Tækniskólans og níu skólafélögum. Í stjórn NFT sitja sjö manns en í skólafélögunum eru stjórnirnar fimm manna. Núverandi formaður NFT er Gunnar Ágústsson.
Nemendafélag Tækniskólans, NFT, stendur fyrir ýmsum viðburðum, stórum jafnt sem smáum sem höfða til allra nemenda. Sem dæmi má nefna: böll, kósíkvöld, þátttaka skólans í íþróttamótum á vegum framhaldsskóla, Gettu betur, Morfís og Söngkeppni framhaldsskólanna að ógleymdum Opnum dögum á vorönn þar sem venjubundin kennsla fellur niður og nemendur geta þess í stað sótt fjölda fyrirlestra, námskeiða og ferða.
Skólafélögin halda utan um sérhæfðara félagslíf eins og ferðir til að skoða vinnustaði, skemmtikvöld einstakra skóla og litlar árshátíðir.
Einnig starfa undir NFT mjög virk félög og nefndir eins og skemmtinefndin, leikfélagið og ljósmyndaráð.
Félagslífið er mjög sveigjanlegt og sniðið að þörfum nemenda þar sem nám og félagsstarf vinna saman. Fyrir góð störf í þágu félagslífs skólans fást einingar.